Hellvar fer vestur um haf
Rafrokkhljómsveitin Hellvar heldur í tónleikaferð til Bandaríkjanna í lok mánaðarins og spilar þar á þrennum tónleikum og kemur fram í einum útvarpsþætti í Albany.
Að sögn Heiðu Eiríksdóttur, söngkonu og annars stofnanda sveitarinnar, munu þau koma fram ásamt amerísku tilraunarokkhljómsveitinni Zahnarzt sem þau spiluðu með á tónleikaferðalagi í Berlín á seinasta ári.
Heiða segir Hellvar nú vera að vinna að sinni fyrstu plötu.
Source: www.mbl.is
