Tíminn líður hratt - Hvað veistu um Söngvakeppnina?
Spurningaþáttur á léttum nótum um söngvakeppni Sjónvarpsins. Þjóðþekktir einstaklingar spreyta sig á spurningum þáttarins en 20 ár eru síðan Íslendingar tóku fyrst þátt í Söngvakeppni evrópskra sjónvarpsstöðva. Spyrill er Ragnheiður Eiríksdóttir, öðru nafni Heiða í Unun, og dómari er Haraldur Freyr Gíslason, betur þekktur sem Halli í Botnleðju. Höfundur spurninga er Gísli Marteinn Baldursson. Um dagskrárgerð sjá Helgi Jóhannesson og Erla Tryggvadóttir.
Í fyrsta þætti eigast við Stelpurnar Ilmur Kristjánsdóttir, Edda Björg Eyjólfsdóttir og Katla Þorgeirsdóttir og Hjálmarnir Guðmundur Kristinn, Sigurður Halldór Guðmundsson og Hjálmar Árnason.
Í öðrum þætti mætast Baggalútarnir Bragi Valdimar Skúlason, Guðmundur Pálsson og Karl Sigurðsson og þau dr. Gunni, Margrét Kristín Blöndal og Ólafur Páll Gunnarsson.
Í þriðja þætti keppa Sigga Beinteins, Helga Möller og Sigmar Guðmundsson á móti Ásgrími Sverrissyni, Kristjáni Gíslasyni og Sigrúnu Evu Ármannsdóttur.
Í fjórða þætti keppa Freyr Eyjólfsson, Beta Rokk og Sigurjón Kjartansson við Trabantana Viðar Hákon Gíslason og Gísla Galdur og Heiðar Örn Kristjánsson úr Botnleðju.
Í fimmta þættinum keppa svo stigahæstu liðin til úrslita.
http://www.ruv.is/main/view.jsp?branch=4992235
No comments:
Post a Comment